Barkoe gååvnese lohkehtæjjine åarjelsaemiengïelesne/prosjeektebarkije

Tjaelije Toini Bergstrøm 3 våhkoeh juassah
Gåatan  /  Saernieh  /  Barkoe gååvnese lohkehtæjjine åarjelsaemiengïelesne/prosjeektebarkije

Aajegen kontovresijjie Rörosen jåarhkeskuvlesne jïh Åarjel-Tröndelaagen jïh Hedmarken fylhketjïelth jïh Plassjen tjïelte Aajegem eekieh. Aajege gieltegs saemien barkoesijjie jïh maahtoebyjrese, mietiebïegkesne gelline gieltegs barkoe- jïh evtiedimmielaavenjassigujmie.

Mijjen luvnie barkoe gååvnese:

  • 100% sæjjasadtje lohkehtæjjine åarjelsaemiengïelesne/prosjeektebarkijinie boelhkesne mïetsken 1.b. 2017 raejeste rahkan 1.b. 2018 raajan, jallh aelkeme soejkesjimmien mietie.

Barkoelaavenjassh:

  • Ööhpehtimmie åarjelsaemiengïelesne.
  • Prosjeektebarkoe åarjelsaemien gïelem jïh kultuvrem gåhtsajehtedh jïh nænnoestidh.
  • Kuvsjh, darjomh jïh öörnemh aelkiehtidh jïh sjïehtesjidh jarngen ulmiej mietie.

Daerpies kvalifikasjovnh:

  • Relevaante ööhpehtimmie jïh praksijse, pedagovgeles maahtoe, buerie saemien gïelemaahtoe jïh maehtelesvoete saemien sïebriedahken bïjre krïevesåvva.
  • Mijjieh barkijem ohtsedibie gïe maahta hijvenlaakan govlesadtedh jïh laavenjostedh, fleksijbele jïh tjuavteles, jïh gïe maahta initiatijvem vaeltedh jïh jijtjeraarehke barkedh.

Abpe teekstem maahtah mijjen nedtesæjrosne daesnie lohkedh.

Vielie bïevnesh barkoen bïjre maahtah åadtjodh Toini Bergstrømeste tlf. 907 23 513 jallh e-påaste toini.bergstrom@stfk.no

Tjaelieh ohtsemem Rørosen jåarhkeskuvlen nedtesæjrosne www.roros.vgs.no

Ohtsememierie: Ruffien 4. b. 2017

Category:
  Saernieh