Darjomh

Ööhpehtimmieh

Aajege maahta åarjelsaemien ööhpehtimmiem learoehkidie jåarhkeskuvlesne faaledh, dovne klaassetjïehtjelisnie jïh maajeööhpehtimmesne. Maehtebe aaj aalkoekuvsjh geervealmetjidie faaledh Saemien jïlleskuvline ektine. Ovmessie gïeledaltesidie ööhpehtibie.

Åarjelsaemien ööhpehtimmie jåarhkeskuvlelearoehkidie

Åarjelsaemien ööhpehtimmiem jåarhkeskuvledaltesisnie faalebe.
Ööhpehtimmiem maehtebe faaledh ovmessie gïeledaltesinie; saemien 1. gïeline jïh saemien 2. gïeline (saemien 2, 3, 4). Ööhpehtimmiem vedtebe sïejhme lïerehtimmine Rørosen jåarhkeskuvlesne mesnie lohkehtæjja klaassetjïehtjelisnie, jallh maajeööhpehtimmine datovri jallh videjokonferaansi tjïrrh jeatjah skuvlide.

Daarpoej mietie maehtebe ööhpehtimmiem programmefaagine Vg2 Båatsoe jïh Vg2 Duedtie öörnedh jïh tjïrrehtidh Rørosen jåarhkeskuvline aktine.

Åarjelsaemien aalkoenööhpehtimmiem geerve almetjidie

Åarjelsaemien aalkoeööhpehtimmiem geerve almetjidie faalebe Saemien jolleskuvline aktine ovmessie daltesinie: «Åarjelsaemiengïele fïerhten biejjien jieliemisnie – aalkoeööhpehtimmie 1», 15 studijepoengh, «Åarjelsaemiengïele fïerhten biejjien jieliemisnie – aalkoeööhpehtimmie 2», 15 studijepoengh jïh «Åarjelsaemien bieliejaepielohkeme», 30 studijepoengh. Daejtie lohkemidie tjïrrehtibie daarpoej mietie, jïh jis doedtevierhtieh åadtjobe jïh nuekies studeenth gååvnesieh.

Tjåanghkoesijjie

Mijjieh sïjhtebe saemien gïele- jïh kultuvren tjåanghkoesijjieh öörnedh. Daate vihkeles barkoeh mijjen luvnie. Gïeletjåanghkosne edtja åarjelsaemien gïele govledh, vååjnedh jïh nuhtjedh. Tjåanghkoeh aamhtesi mietie, jïh dejnie ovmessie gïele- jïh kultuvredarjomh. Tjåanghkoesijjieh jïh gïelearenah ovmessie aalteredåehkide öörnebe.

Ovmessie darjomh

Gadtsegarhkh – Saemien gïelearena maanide

Gadtsegarhkh lea tjåanghkoesijjie maanide Rørosen dajvesne. Tjåanghkoem iehkedsbiejjien utnebe akten aejkien fïerhten asken. Daesnie maanah beapmoem åadtjoeh, saemiestidh, tjåanghkoem jïh kultuvreles darjoeminie dåeriedieh.

Lohkh vielie daesnie »

Saemien gïele jïh kultuvre tjåanghkoesijjie geerve almetjidie vætnojne barkeminie

Aajege gïele- jïh kultuvren tjåanghkoesijjieh geerve almetjidie öörnie gusnie vætnoe våaroemisnie. Daarpoej mietie ovmessie vætnoekuvsjh öörnebe. Saemien baakoeh jïh jiehtegh vætnoen bïjre aaj vihkele boelhke destie.

Lohkh vielie daesnie »

Tjåanghkoesijjieh jïh öörnemh

Aajege saemien tjåanghkoesijjieh jïh öörnemh öörnie, jïjtje jallh jeatjebigujmie ektine. Vihkele öörnemh mah leah fïerhten jallh fïerhten mubpien jaepien leah Saemiej åålmegebiejjie, Raasten rastah jïh healsoeseminaare. Dïsse lissine jeatjah tjåanghkoesijjieh öörnebe daarpoej mietie – dovne seminaarh, teemabiejjieh jïh tjåanghkoe.

Lohkh vielie daesnie »

Intensivkuvsje «Åarjelsaemien praktihkeles tsiehkine – 1. boelhke», 15 studijepoengh tjaktjen 2017

Aajege Saemien jolleskuvline ektine soejkesjieh «Åarjelsaemien praktihkeles tsiehkine – 1. boelhke», 15 studijepoengh» tjaktjen 2017. Daate lohkeme gaajhkide mah sijhtieh åarjelsaemien lïeredh.

Lohkh vielie daesnie »

Intensivkuvsje «Åarjelsaemien praktihkeles tsiehkine – 2. boelhke», 15 studijepoengh tjaktjen 2017

Aajege Saemien jolleskuvline ektine soejkesjieh «Åarjelsaemien praktihkeles tsiehkine – 2. boelhke», 15 studijepoengh» tjaktjen 2017. Daate lohkeme gaajhkide mah sijhtieh åarjelsaemien lïeredh.

Lohkh vielie daesnie »

Åarjelsaemien bieliejaepielohkeme, 30 studijepoengh gïjren 2018

Aajege Saemien jolleskuvline ektine soejkesjieh «Åarjelsaemien bieliejaepieboelhke», 30 studijepoengh» gïjren 2018. Daate lohkeme gaajhkide mah sijhtieh åarjelsaemien lïeredh.

Lohkh vielie daesnie »

Saemien gïele- jïh kultuvretjåanghkoe learoehkidie maadthskuvlesne

Aajege jïh Prahken skuvle golme saemien gïele- jïh kultuvretjåanghkoeh öörnieh maadthskuvlen learoehkidie Røros-saemien dajveste fïerhten skuvlejaepien. Ovmessie aamhtese fïerhtene tjåanghkosne saemien learoesoejkesjistie.

Lohkh vielie daesnie »

Saemien gïele- jïh kultuvretjåanghkoe learoehkidie jåarhkeskuvlesne

Aajege göökte saemien gïele- jïh kultuvretjåanghkoeh learoehkidie jåarhkeskuvlesne böörie fïerhten skuvlejaepien. Ovmessie aamhtese fïerhtene tjåanghkosne saemien learoesoejkesjistie.

Lohkh vielie daesnie »

Gaavnedibie Rørosesne – Saemien tjåanghkoesijjie voeres almetjidie

Gaavnedibie Rørosesne lea akte tjåanghkoe voeres almetjidie Rørosen dajvesne. Daate lea akte tryjjes jïh sosijaale tjåanghkoesijjie gusnie maahta saemien gïelem vååjnedh, goltelidh jïh nuhtjedh.

Lohkh vielie daesnie »