Vætnakuvsje – ovmessieh aamhtesh

Tjaelije Maja Kristine Jåma 3 askh juassah
Gåatan  /  Saernieh  /  Vætnakuvsje – ovmessieh aamhtesh

Aajege soejkesjamme Åarjel Saemien Dajven ektine vætnakuvsjem utnedh ruffien 10. jïh 11. b. jaepien 2017. Daesnie maahta jïjtse vætnaprosjeektine (myövhkes) barkedh jïh galhkedh.

Kuvsje sjiehteles dutnjan gie vætnaprosjeektine aalkeme, viehkiem daarpesjh dejnie aelkedh, barkedh jallh galhkedh. Vaeltieh jïjtse ïebneh jïh deerpegh meatan. Saemestibie gosse barkeminie.

Hïeljetjåanghkoem utnebe Prahken skuvlesne laavadahken ruffien 10. b ts. 0900 – 1800 jïh aejlegen 11. b ts. 1000 – 1600. Inez Rensberg lohkehtæjjine.

Maaksome:
Maeksieh gosse kuvsjem aalkeme. NOK 300 lïhtsegidie ÅSD:sne jïh NOK 600 jis ij leah meatan. Jiehtieh mijjese mejtie sïjhth lïhtseginie ÅSD:sne (NOK 300).

Bïejelh mejtie sïjhth meatan årrodh:
Jis sïjhth meatan årrodh tjoerh dan bïjre bïeljelidh, åvtelen ruffien 1. b. 10 sijjieh utnebe, jïh dah voestes goernese sijjiem åadtjoeh! Bïeljelh Maja Kristine Jåmase.

Buerie båeteme!

Heelsegh

  • Aajege v/Maja Kristine Jåma, e-post: maja.kristine.jama@stfk.no, tlf.: +47 472 423 66
  • Åarjel Saemien Dajve v/Meerke Krïhke Bientie, mbientie@hotmail.com, tlf.: +47 412 88 227
Category:
  Saernieh