Aajege lea saemien gïele- jïh maahtoejarnge Röros-saemien dajvesne. Mijjen dïedte saemien gïele, kultuvre jïh vuekiemaahtoe.  Aajegen ovmessie ööhpehtimmieh, arenah jïh tjåanghkoesijjieh, darjomh jïh öörnemh. Mijjieh aaj jeatjah maahtoesiebriedahkine laavenjostebe jïh raeriestibie.

Aajege edtja saemien gïelem, kultuvrem jïh identiteetem nænnoestidh, dovne fïere guhte almetjasse jïh dåehkide åarjelsaemien siebriedahkesne.

Tröndelaagen jïh Hedmarken fylhketjïelth jïh Plassjen tjïelte Aajegem eekieh. Aajege sjïere goevtese Tröndelaagen nuelesne, kontovresijjine Rörosen jåarhkeskuvlesne. Aajege byjjes maadthdåarjoem tjïelteste, fylhketjïeltijste jïh staateste åådtje. Jarnge aaj ovmessie prosjeekti jïh laavenjassi tjïrrh dåarjoem åådtje.

Mijjen åeviedajvh

Aajegen åejviedajve Saepmien åarjelraedtie Tröndelaagesne jïh Hedmarkesne gusnie Saanti, Gåebrien, Svahken jïh Trollheimen sïjth. Rörosen sjeltie dajven jarngesne, jïh dan åvteste dam aaj Röros-saemien dajvine gohtjebe. Jeatjah almetjh dajven ålkoelistie aaj maehtieh Aajegistie faaleldahkh åadtjodh. Dah dovtelimmieh jïh darjoeh mejtie öörnebe leah uvtemes ovmessie sijjine mijjen åejviedajvesne.

Ulmiedåehkieh

Aajegen 3 åejvieulmiedåehkieh, mah daltesi jïh barkoen aajkoej mietie buerkiestibie.

Daltese 1: Almetjh jïh dåehkieh åarjelsaemien siebriedahkesne
Åejviedåehkie lea almetjh jïh dåehkieh åarjelsaemien dajvesne. Dah leah maanah maanagiertesne jïh maadthskuvlesne, noerh jåarhkeskuvlesne, studeenth, geerve jïh båeries almetjh. Darjomh jïh dej sisvege dåehkiej våaromi jïh daarpoej mietie öörnebe. Dan åvteste mijjen ovmessie darjomh jïh faaleldahkh daejtie.

Daltese 2: Saemien organisasjovnh, institusjovnh jïh jielemh
Ulmiedåehkesne saemien skuvlh jïh vierhtieskuvlh, saemien organisasjovnh jïh siebrieh, institusjovnh, jeatjah gïelejarngh jïh Saemiedigkie. Daan ulmiedåahkan Aajege edtja maahtojne viehkiehtidh jïh barkojne saemien gïeline, kultuvrine jïh jielieminie laavenjostedh. Edtjebe maahtoem vïedtjedh, tsevtsedh jïh viermieh tseegkedh juktie buerebe maehtedh åejviedåehkiem hoksehtidh. Aajege edtja gaskelïhtsine daan dåehkien jïh saemien privaatealmetji gaskemsh årrodh åarjelsaemien dajvesne.

Daltese 3: Jeatjah ulmiedåehkieh
Ulmiedåehkesne polijtikerh jïh reeremh tjïeltine, fylhketjïeltine, fylhkeålmah, direktoraath, departemeenth jïh jeatjah staateles reeremh. Daan dåahkan vihkeles tjïelkesvoetine Aajegen barkoej, daarpoej jïh illeldahki bïjre. Bïevnesh, maahtoeh jïh byjjehtimmieh saemien kultuvren, histovrijen jïh siebriedahken bïjre. Konkreeth bïevnesh nuepiej bïjre, v.g. saemien reeremedajvesne. Daarpoe daejtie laaki bïjre bïevnedh. Tsehkiebaakoeh barkojne daejnie dåehkine ektiebarkoe, viermietseegkeme, bïevnese jïh dialååge.

Åejvieulmieh

Aajegen dïedte åarjelsaemien muhteste lokaale, regionaale jïh nasjonaale daltesinie. Sïjhtebe prosjeekth aelkiehtidh mah viehkiehtieh mijjen jarngen ulmide jaksedh. Mejnie barkebe maahta tïjjeste måbpan jeatjahtehtedh.

Aajege daej åejvieulmigujmie barka:

1. Saemien gïelem jïh kultuvrem skreejredh, vaarjelidh jïh nænnoestidh.
2. Saemien gïele-, kultuvre- jïh jielemeööhpehtimmiem evtiedidh jïh nænnoestidh.
3. Ektiebarkoem nænnoestidh jïh viermiem tseegkedh.
4. Daajroem saemien gïelen- jïh siebriedahken bïjre nænnoestidh.

Lissieh

Nuhteligs svaalhtesh

Toini Bergstrøm, biejjieladtje åvtehke

Dïedtem åtna reeremen jïh administrasjovnen åvteste, orre råajvarimmieh jïh kuvsjh skreejredh, bievnedh, geerveööhpehtimmiem jïh öörnemh tjïrrehtidh.
toibe@trondelagfylke.no
74 17 76 03 / 907 23 513

Helen Blind Brandsfjell

Åarjelsaemiengïelem learoehkidie jåarhkeskuvlesne jïh geerve almetjidie ööhpehte. Åarjelsaemien gïeline jïh prosjeektigujmie barka.
helbr@trondelagfylke.no
74 17 7551 / 908 47 363

Marit Fjellheim

Åarjelsaemiengïelem learoehkidie jåarhkeskuvlesne jïh geerve almetjidie ööhpehte. Åarjelsaemien gïeline jïh prosjeektigujmie barka.
marfje@trondelagfylke.no
74 17 7586 / 911 42 105

Aasta Joma Granefjell

Åarjelsaemiengïelem learoehkidie jåarhkeskuvlesne jïh geerve almetjidie ööhpehte. Åarjelsaemien gïeline jïh prosjeektigujmie barka.
aastgran@trondelagfylke.no
74 17 75 23/ 912 40 620

Laila Mari Brandsfjell

Åarjelsaemien darjomh jïh prosjeekth sjïehtesjadta jïh öörnie.
laibra@trondelagfylke.no
74 17 97 47/ 93 26 53 54

Nicklas Danielsen

Åarjelsaemien kultuvrehistovrijen prosjeektigujmie barka jïh institusjovneevtiedimmine Rørosdajvesne.
nicda@trondelagfylke.no
74 17 6162/ 994 62963

Ida Ljungberg

Festivaalem Raasten Rastah sjïehtesjadta jïh öörnie.
idaljtrondelagfylke.no
74 17 65 97/ +46 707 545 995

Malin Wilks

Prosjektine maanagiertien learoevierhtine barka jïh evtede.
malwi@trondelagfylke.no
74 17 94 41/ 48 21 95 91