Gïeleaernie Raarvihkem tjïeltesne ektiebarkoen tjïrrh Saemien Gïelejarngine, Saemiedigkie Sveerjesne, Aajeginie Plassjesne jïh Gïelem nastedh Snåasen tjïeltesne aavojne Gïeleviermien seminaarese 2017 böörieh ruffien 21 – 22:b.
Gïeleviermien ulmieh:
Sijjiem öörnedh gusnie åarjelsaemien gïelem soptsestibie, govlebe jïh vuejnebe.
- Buerebe maahtoem gïelebarkoen bïjre vedtedh dejtie mejtie meatan.
- Maahtoeh jïh dååjrehtsh åarjelsaemien gïelebarkoen bïjre joekedidh.
- Viehkiehtidh viermiem gïelemaahtojne skaepiedidh åarjelsaemien gïelen jïh kultuvren maahtoedajvesne
Ulmiedåehkie:
Saemien gïelebarkijh jïh dah gïeh ïedtjh saemien gïelide utnieh jïh vaajtelieh maahtoem åarjelsaemien gïelen bïjre jillebe daltesasse bïejedh, dovne sveerjen jïh nöörjen bielesne Saepmesne.
Gaskevåhkoe, ruffien 21. biejjien:
Gïeledïrregh Divvunistie – Maja Lisa Kappfjell, Åarjel-saemien digitaale learoevierhtieh voestesgïeline jåarhkeskuvlen daltesasse, NDLA:sne – Liv Karin Joma, Gïelebamman bïjre – Gærjah, Digitaale gïelepeannan bïjre – Karin Solgren jïh Màvsulasj – prosjeekten bïjre – Bruce Duollja.
Daan jaepien aamhtese “Gïeledïrregh”.
Duarsta, ruffien 22. biejjien:
Åarjelsaemien gïelejarngh Gïelem nastedh, Aajege, Saemien gïlejarnge jïh Gïeleaernie edtjieh sijjen barkoen bïjre soptsestidh.
Lohkh vielie programmen bïjre daesnie: Programme Gïeleviermie 2017
Jis sïjhth meatan årrodh tjoerh Gïeleaernien gåajkoe bïeljelidh ruffien 9. b. 2017 åvtelen:
- Berit Ellen G. Jåma, berit.jama@royrvik.kommune.no, tlf +47 743 36342
- Maili A. Jåma, maili.anita.jama@royrvik.kommune.no, tlf. +47 743 36384
Seminaare åesehts menh beapmoeh jïh jïjjehtovvemem jïjtse maaksa.
Dongkh beapmoeh jïh jïjjehtovveme Limingen guessiegaertenen gåajkoe, tlf +47 743 35224.
- Gåetieluhpie aeredsbeapmojne: Tjïehtjele akte almetjasse kr. 850/ tjïehtjele göökte almetjidie kr. 1050/ tjïehtjele golme almetjidie kr. 1250/ tjïehtjele njieljie almetjidie kr. 1450
- Beapmoe voestes biejjien kr. 150/ beapmoe voestes jïh mubpien biejjien kr. 300
- Prïhtjege: Voejelaejpie jïh sietieslaejpie kr. 100
- Gaskebiejjiebeapmoeh jïh minngiebeapmoe kr. 275
Jis vielie bïevnesh sïjhth dle gaskesadth:
- Gïeleaernie: berit.jama@royrvik.kommune.n0, +47 743 36342 eller maili.anita.jama@royrvik.kommune.no, +47 743 36384.
- Gïelem Nastedh: hanne-lena.wilks@snasa.kommune.no, +47 919 15 182
- Saemien gïelejarnge: sylvia.sparrock@sametinget.se, +46 63 150856
- Aajege: toini.bergstrom@stfk.no, +47 907 23 513
Buerie båeteme!
