Sïjhth åarjelsaemien lohkedh goh elliestïjjen lohkeme skuvlejaepien 2017/18

Aajege Saemien jolleskuvline ektine åarjelsaemien aalkoeööhpehtimmiem geerve almetjidie faalebe goh elliestïjjen lohkeme jaepien 2017/18. Dah leah 3 lohkemh mah tjåenghkesne vedtieh 60 studijepoengh. Maahtah abpe jaepielohkemem tjïrrehtidh, jallh boelhkh destie veeljedh. Gaajhkh lohkemh tjïrrehtibie Aajegisnie, Rørosen jåarhkeskuvlesne.

1. «Åarjelsaemiengïele fïerhten biejjien jieliemisnie – aalkoeööhpehtimmie 1», 15 studijepoengh, tjaktjen 2017
2. «Åarjelsaemiengïele fïerhten biejjien jieliemisnie – aalkoeööhpehtimmie 2», 15 studijepoengh, tjaktjen 2017
3. «Åarjelsaemien bieliejaepielohkeme», 30 studijepoengh, gïjren 2018

Daejtie lohkemidie tjïrrehtibie jis vaenemes 6 studeenth fïerhtene lohkemisnie.

Jis datne sïjhth åarjelsaemien lohkedh jallh vielie dan bïjre daejredh gaskesadth mijjine: Toini Bergstrøm toini.bergstrom@stfk.no jallh 90723513.