Saemien åålmegebiejjiem heevehtibie Plassjesne

Tjaelije Toini Bergstrøm 4 jaepie juassah
Gåatan  /  Saernieh  /  Saemien åålmegebiejjiem heevehtibie Plassjesne

Aajege, Rørosmuseet jïh Rørosen tjïelte böörieh Saemien åålmegebiejjiem heevehtidh duarstan goevten 6.b. Plassjesne.

Biejjien programme:

0900 Rørosen tjïelten Raeriegåetesne:
Saevegelutnjeme, heelsegh tjïelten åejveste, Isak Busch, jïh biejjien håalome.

1200 – 1300  Plassjen almetjigærjagåetesne:
Lohkeme jïh prïhtjege tjaeliejinie jïh guvviedæjjine Torgrim Halvari.

1500 – 1645 Aajege Rørosen jåarhkeskuvlesne:
Beapmoe – Bearkoekrovhte bïjremebearkojne, pearine, löökine jïh viskesroehtsine..

  • Maaksoeh 150 kr jïh maanide 75 kr.
    Prïhtjege/löövje jïh gahkoe meatan åasesne.
  • Ajve prïhtjege jïh gaahkoe 50 kr.
  • Maekseme: Vipps:n tjïrrh jallh beetnegigujmie.

Juktie edtjebe beapmoem dængkodh, dle sïjhtebe daejredh gïeh beapmoem sijhtieh. Bïeljelh eannan goevten 4.b., Laila Mari Brandsfjellese e-påastine  laibra@trondelagfylke.no jallh tellefovnine 932 65 354.

1645 – 1715 Laavlome Aajege Rørosen jåarhkeskuvlesne:

  • Svaalen maanajgujmie
  • Golme orre joejkh åarjelsaemien skuvlemaanijste
  • Røros barnegospeleste jïh Røros Soul Children:ste.

1730 – 1830 Kultuvreles darjomh:

  • Maanaj raajroe (Barnens rajd) – stååkedimmie maanide, Verket
  • Lohkeme Torgrim Halvarine «Same – 100 mennesker i Sápmi», Aajege

Duedtievuesiehtimmie jïh Saemiedigkien «Bygningsvernutstilling 2011 – 2017» Aajegen kåavesne abpe våhkoem.

1900 Bergstaden Ziir:

Åarjelsaemien – daaroen gyrhkesjimmie – Saemien åålmegebiejjie, Harald Haugine.

Buerie båeteme! 

Category:
  Saernieh