Barkoe konsulentine gååvnese

Tjaelije Toini Bergstrøm 2 askh juassah
Gåatan  /  Saernieh  /  Barkoe konsulentine gååvnese

Aajegen kontovresijjie Rörosen jåarhkeskuvlesne jïh Tröndelaagen jïh Innlanden fylhketjïelth jïh Plassjen tjïelte Aajegem eekieh. Aajege gieltegs saemien barkoesijjie jïh maahtoebyjrese, mietiebïegkesne gelline gieltegs barkoe- jïh evtiedimmielaavenjassigujmie.

Mijjen luvnie sæjjasadtjebarkoe gaavnoes sjædta, mïetsken 15. biejjien raejeste:

  • 50 % barkoe gååvnese sæjjasadtjebarkojne raejeste 150820 – raajan 150821
  • 50 % barkoe gååvnese sæjjasadtjebarkojne raejeste 150820 – raajan 311220

Gåarede gåabpatjahkide ohtsedh.

Barkoelaavenjassh sæjjasadtjebarkojne raejeste 150820 – raajan 150821:

  • Dïedte kultuvrejarngen darjoemasside
  • Dïedte barkoelaavenjassh prosjektine åarjelsaemien gïelem jïh kultuvrem gåhtsajehtedh, evtiedidh jïh nænnoestidh.

Barkoelaavenjassh sæjjasadtjebarkojne raejeste 150820 – raajan 311220:

  •  Kuvsjh jïh darjomh aelkiehtidh jïh tjïrrehtidh jarngen ulmiej mietie, v.g. barkoe festivaalen «Raasten Rastine»

Daerpies kvalifikasjovnh:

Relevaante ööhpehtimmie jïh praksijse, buerie saemien gïelemaahtoe jïh maehtelesvoete saemien sïebriedahken bïjre krïevesåvva. Jis sæjjasadtjebarkojne raejeste 150820 – raajan 311220 syökoe , tjuara aaj maehtedh saemiestidh.

Mijjieh barkijem ohtsedibie gie maahta hijvenlaakan govlesadtedh jïh laavenjostedh, fleksijbele jïh tjuavteles, jïh gie maahta initiatijvem vaeltedh jïh jïjtjeraarehke barkedh.

Abpe teekstem maahtah mijjen nedtesæjrosne lohkedh.

Vielie bïevnesh barkoen bïjre maahtah åadtjodh Toini Bergstrømeste tlf. 907 23 513 jallh e-påaste toibe@trondelagfylke.no

Tjaelieh ohtsemem Tröndelaagen fylhketjïelth nedtesæjrosne.

Ohtsememierie: Ruffien 17.b. 2020

Category:
  Saernieh